torsdag 20. januar 2022

Kule ord (81): Skjelettutvalet

Illustrasjon: Pearson
Scott Foresman
 
I dag er det ei glede å melda at ikkje alt byråkratspråk, ikkje alle dokumenttitlar, komiténamn og denslags er tungt og tåkete. Av og til blir ting sagt kort og treffande. Eit døme på dette er at vi har eit utval her i landet som heiter Skjelettutvalet. Dette er bra, og eg ser for meg at "andre varamannn i Skjelettutvalet" kunne vore fint å ha på cv-en sin. Eg må, for ordens skuld, leggja til at det finst eit meir utfyllande og formelt namn på dette utvalet: Nasjonalt utvalg for vurdering av forskning på menneskelige levninger.

Men Skjelettutvalet blir brukt, og det fungerer bra.

Når eg først er i gang med å rosa språkbruken i det offentlege (det kan bli lenge til neste gong), vil eg òg ta med favorittittelen min på ei Norsk Offentleg Utgreiing (NOU). Det verdige dokumentet handlar om "betaling for kremasjon, gravlegging og grav". Den kreative tittelen er Lik og likskap. Honnør for den.


Ingen kommentarer:

Legg inn en kommentar