Fedje, ikkje akkurat Nordhordlands svar på Aidensfield.
Avisa Strilen - lokalavis for Nordhordland, Fedje inkludert - har ei spennande sak frå den flotte og fredelege kommunen lengst nord og vest i Hordaland. Fedje er ei perle, og folk som ikkje har vore der, veit ikkje kva dei har gått glipp av. Særleg mykje kriminalitet er det nok heller ikkje i denne øykommunen med under 600 fastbuande. Men alt er visst ikkje heilt som det skal på Fedje heller, om vi skal tru Strilen. Her kjem saka, i si fulle lengd:
Mystiske folk observert på Fedje
Politiet fekk i helga melding om at ein "tvilsom" bil med nokre mystiske folk i, var observert på Fedje.
Publisert: Oppdatert:
- Folk reagerte både på kjøringa og folka som var i bilen, fortel fungerande lensmann Svein Arne Hatlevik i Nordhordland lensmannsdistrikt. Då politiet sjekka ut registreringsnummeret på bilen, viste det seg at han ikkje var framstilt for EU-kontroll og dermed skulle vore avskilta. Bilen var heller ikkje omregistrert og betalt årsavgift for, fortel Hatlevik, som synest det er bra folk følgjer med.
Så langt Strilen. Ja, det er godt folk følgjer med. Vi ventar spent på oppfølginga her. Kanskje ein serie med reportasjar om enkeltbilar det ikkje er betalt årsavgift for i alle kommunane på Strilelandet. Gjerne illustrert med eit bilete frå kommunesenteret.
Ingen kommentarer:
Legg inn en kommentar